انبیاء سے جب قلبی تعلق بنتا ہے تو قلب اطہر پیغمبر سے فیض پانے والے کے قلب پر وہ کیفیت آ جاتی ہے جو دیکھی نہیں جا سکتی، بیان نہیں کی جا سکتی، جس کے لئے کوئی الفاظ نہیں ملتے جو صرف محسوس کی جا سکتی ہے، کیونکہ انبیاء بندے کو رب العٰلمین سے اس طرح آشنا کرواتے ہیں کہ ان کے فیوضات و تعلیمات میں صرف الفاظ ہی نہیں ہوتے بلکہ وہ کیفیات بھی ہوتی ہیں جو بندے کو اللہ کے قریب کر دیتی ہیں۔ وہ اللہ کونہیں دیکھ سکتا لیکن دیکھتا ہے، یعنی جس کسی بھی چیز کو دیکھ کر مانا جائے ویسے ہی وہ اللہ کو بغیر دیکھے مانتا ہے کہ جیسے اللہ کو دیکھ رہا ہے (1) یہ کیفیات قلبی برکات نبوت ﷺکہلاتی ہیں۔ دین مبین کا یہ شعبہ تصوف وسلوک، احسان، اسرارِ شریعت، طریقت،روحانیت وغیرہ کی اصطلاحات سے بھی موسوم کیا جاتا ہےاور ہمارےہاں(پاک وہند) عرف عام میں اس کو پیری مریدی بھی کہا جاتا ہے۔
” يَتْلُوْ عَلَيْهِمْ آيَاتِهٖ“ دعوت الی اللہ ہے ” وَيُزَكِّيْهِ“ برکات نبوت ہے اور ”وَيُعَلِّمُهُمُ الْكِتَابَ وَالْحِكْمَةَ“ تعلیمات نبوت ہے۔اب یہ قر آن نے علیحدہ سے یزکیھم کا ذکر کیا ہے ۔یعنی آپﷺ تزکیہ فرماتے تھے،یہ تزکیہ کیا ہے۔یہی ہمارا موضوع ہےاور اس شعبے کو آج تصوف و احسان یا طریقت وغیرہ کہا جاتا ہے۔
0 تبصرے:
ایک تبصرہ شائع کریں